| |
Oktyabrın 26-da
Elm və Təhsil Nazirliyinin
təşkilatçılığı ilə məktəblilər
arasında “Nə? Harada? Nə zaman?”
oyunu üzrə Respublika Kuboku
keçirilib.
Yarışda ümumilikdə ölkənin 22
şəhər və rayonunu təmsil edən 42
komanda iki yaş kateqoriyasında
mübarizə aparıb.
Maraqlı və gərgin rəqabət
şəraitində keçən yarışda
10–11-ci siniflər üzrə
liseyimizi təmsil edən “El-Rey”
komandası uğurlu çıxış edərək II
yerə layiq görülüb.
Final mərhələsinə komandalar
regional seçimlərin qalibi
olaraq və ya 622 komanda
arasında keçirilən onlayn seçim
turunda yüksək nəticə göstərərək
vəsiqə qazanıblar. Final
mərhələsində iştirakçılar
müxtəlif sahələr üzrə bilik
tələb edən 36 suala cavab
veriblər.
Yarışın qalib və mükafatçı
komandaları kubok, diplom və
müxtəlif hədiyyələrlə təltif
olunublar.
Qeyd edək ki, “Təhsil Oyunları
Platforması” 2020-ci ildən
etibarən məktəblilər üçün onlayn
və canlı formatda intellektual
yarışlar təşkil edir,
şagirdlərin biliklərə marağını
artırır və komanda ilə işləmək
bacarıqlarının inkişafına dəstək
olur.
Uğurlu çıxışına görə komandamızı
səmimi-qəlbdən təbrik edir,
gələcək yarışlarda da daha böyük
nailiyyətlər arzulayırıq!
|
|
