| |
Əziz məzunlar!
Bu gün sizlər üçün həm
unudulmaz, həm də duyğulu bir
gündür – Son Zəng Günü. Bu zəng
təkcə bir dərsin deyil, lisey
həyatınızın da son səhifəsinin
çalınması deməkdir. Lakin hər
sonluq, eyni zamanda yeni
başlanğıcların təməlidir.
İllər boyunca sizlər bilik,
dostluq, məsuliyyət və əxlaqi
dəyərlərlə zəngin bir yol
keçdiniz. Hər biriniz bizim üçün
fəxr mənbəyisiniz. Qazandığınız
bilik və təcrübə sizə gələcək
həyatınızda doğru yol göstərən
bir bələdçi olacaq.
Yeni mərhələyə qədəm qoyduğunuz
bu önəmli gündə sizə bol
uğurlar, möhkəm iradə və geniş
üfüqlər arzulayıram. Həyatın
təqdim edəcəyi hər bir fürsətdən
düzgün istifadə edəcəyinizə və
vətənimizə, cəmiyyətimizə
layiqli bir vətəndaş olacağınıza
inanıram.
Unutmayın! Harada olursunuzsa
olun, siz bizim liseyimizin fəxr
edən məzunlarısınız!
Bu yolda sizə dayaq olan
valideynlərə və müəllimlərə də
dərin təşəkkürümü bildirirəm.
Onların əməyi, dəstəyi və
sevgisi bu uğurun ayrılmaz bir
hissəsidir.
Yolunuz açıq, gələcəyiniz parlaq
olsun!
Kadir Bektaşoğlu
Türkiyə Dəyanət Vəqfi Bakı Türk
Liseyinin müdiri
|
|
