| |
Dövlət İmtahan
Mərkəzi tərəfindən keçirilən tam
(11 illik) və ümumi orta (9
illik) təhsil səviyyəsi üzrə
buraxılış imtahanlarında TDV
Bakı Türk Liseyinin uğuru ölkə
miqyasında böyük maraq doğurur.
Belə ki, liseyin 8 şagirdi
maksimum nəticə 300 tam bal
toplayaraq respublika üzrə
rekord göstəriciyə imza atıblar.
Bu uğura imza atanlar XI sinif
şagirdləri: Xədicə İsmayılzadə,
Tamella Əliyeva, Ləman
Əhmədzadə, Həmid Əliyev, Ziya
Alizadə və Onur Hətəmov, IX
sinif şagirdləri isə Ləman
Cəfərli və Toğrul Zeynallıdır.
Bu nəticə TDV Bakı Türk
Liseyində tədris prosesinin
yüksək peşəkarlıqla, sistemli
şəkildə və məqsədyönlü şəkildə
qurulduğunu bir daha
təsdiqləyir. Təcrübəli və
fədakar müəllim heyəti, müasir
pedaqoji yanaşmalar, eləcə də
möhkəm müəllim-şagird-valideyn
əməkdaşlığı bu uğurun əsasını
təşkil edir.
Bu münasibətlə liseyimizin
rəhbərliyini, müəllimlərini,
şagirdlərini və onların dəyərli
valideynlərini səmimi-qəlbdən
təbrik edir, gələcəkdə daha
böyük nailiyyətlər arzulayırıq.
|
|
