| |
Aprelin
23-də Respublika Fənn
Olimpiadalarının biologiya fənni
üzrə final mərhələsinə vəsiqə
qazanan 8 şagirdimiz, hazırlıq
müəllimələri Gülnar
Soltanova-Mirzəyeva ilə birlikdə
Bakı Mühəndislik Universitetinin
laboratoriyasında birgünlük
elmi-praktik təcrübə keçiblər.
Təcrübə zamanı şagirdlər
müxtəlif laboratoriya
avadanlıqları ilə tanış olub,
praktiki biliklərini artırmaq
imkanı əldə ediblər. Onlar
bioloji proseslərin təcrübə
şəraitində müşahidəsi və analiz
metodları barədə ətraflı məlumat
alıblar. Təcrübə şagirdlərdə
elmi yanaşmanı formalaşdırmaq və
olimpiadaya daha hazırlıqlı
qatılmaq baxımından mühüm rol
oynayıb.
Təcrübənin təşkilində
göstərdikləri dəstəyə görə Bakı
Mühəndislik Universitetinin
rektoru Yaqub Piriyevə, Kimya
kafedrasının müdiri Namiq
Şıxəliyevə, həmçinin
şagirdlərimizlə bilik və
təcrübələrini səxavətlə bölüşən
Aysel və Nailə xanıma dərin
təşəkkürümüzü bildiririk.
Şagirdlərimizə final
mərhələsində uğurlar arzulayır,
onların gələcəkdə böyük
nailiyyətlər əldə edəcəklərinə
inanırıq!
|
|
|
 |
|
|
|
|
