| |
Fevralın
14-də Türkiyə Dəyanət Vəqfi Bakı
Türk Liseyində Uşaq Səfirlər
Məclisinin üzvləri məktəb
şagirdləri üçün “Uşaq hüquqları”
mövzusunda maarifləndirici təlim
təşkil ediblər.
Təlimin məqsədi uşaqlara onların
hüquqları barədə geniş məlumat
vermək, bu sahədə biliklərini
artırmaq və hüquqlarını müdafiə
etmə bacarıqlarını inkişaf
etdirmək olub.
Tədbir çərçivəsində
iştirakçılara uşaq hüquqlarının
əsas prinsipləri, o cümlədən
fikir, vicdan və din azadlığı,
birləşmək hüququ, şəxsi
toxunulmazlıq, eləcə də təhsil
və istirahət hüquqları haqqında
ətraflı məlumat verilib. Məclis
üzvləri uşaqların hüquqlarının
qorunmasının və onların
cəmiyyətdə fəal iştirak
etmələrinin vacibliyini
vurğulayıblar.
Daha sonra şagirdlər uşaq
hüquqları ilə bağlı suallar
verərək interaktiv müzakirələrdə
fəal iştirak ediblər.
Tədbir Azərbaycan Respublikası
Prezidenti İlham Əliyevin
2025-ci ili “Konstitusiya və
Suverenlik ili” elan etməsi ilə
əlaqədar təşkil olunub.
|
|
