internetdə

saytda

 

.: XƏBƏRLƏR :.  
 

Şagirdlərimiz Hərb Tarixi Muzeyinə ekskursiya edib
09.01.2025

 
 
Liseyimizin şagirdləri üçün Azərbaycan Silahlı Qüvvələrinin Hərb Tarixi Muzeyinə ekskursiya təşkil olunmuşdur.
 
Hərbi hazırlıq müəllimi İbrahim Orucəliyevin gənclərimizdə hərbi vətənpərvərlik hissini gücləndirmək məqsədilə təşkil etdiyi ekskursiya şagirdlərin marağına səbəb olmuşdur.
 
Hazırda muzey kollektivinin zəhməti sayəsində muzey fondunda 11 minə yaxın eksponat vardır. Muzeydə 5 ədəd tank, 9 ədəd zirehli transportyor (BTR kimi tanınır) və piyadaların döyüş maşını (BMP), 16 ədəd top, 6 təyyarə, 4 helikopter, Hava Hücumundan Müdafiə və Hərbi Hava Qüvvələrinə aid 6 ədəd müxtəlif hərbi texnika nümayiş etdirilir.
 
Muzeyin daxili ekspozisiyasında “Qədim və Erkən Orta Əsrlər dövrü”, “Xanlıqlar dövrü”, “1801-1918-ci illər”, “1918-1920-ci illər”, “1920-1939-cu illər”, “1939-1945-ci illər”, “1946-1991-ci illər”, “1992-2008-ci illər”, "44 günlük müharibə", “Heydər Əliyev və Ordu Quruculuğu”, “Quru Qoşunları”, “Hərbi Dəniz Qüvvələri”, “Hərbi Hava və Hava Hücumundan Müdafiə Qüvvələri” ilə bağlı zallar fəaliyyət göstərir.
 
Muzeydə sərgilənən eksponatlar arasında Atropatena dövlətinin başçısı Atropatın heykəli şagirdlərin diqqətini daha çox cəlb etdi, onun fonunda xatirə şəkli çəkildi.
 
Bundan başqa, Azərbaycan Hərb Tarixi Muzeyinin həyətində nümayiş olunan hərbi texnikalar arasında.iki dəfə Sovet İttifaqı Qəhrəmanı Həzi Aslanovun idarə etdiyi 17 nömrəli tankın, Azərbaycanın Milli Qəhrəmanı, tank komandiri Albert Aqarunovun idarə etdiyi tankın maketləri şagirdlərimiz tərəfindən maraqla qarşılandı.
 
Ekskursiyanın təşkilində əməyi olan hərbi hazırlıq müəllimi İbrahim Orucəliyevə təşəkkür edirik.
 
Ekskursiya şagirdlərimizdə xoş təəssüratlar yaratdı.

 

 
 

   
         
   
         
   

 
 

Başa qalx

 
 

Copyright  ©  All Rights Reserved.
Created and supported by Mehman Shafagatov